لما اتعلمت الريفيت كان في حاجات كتير بتقف معايا ولما دخلت شغل بقيت بسمع كلمة فاميلي دي كتير وطبعاً قررت أعرف عنها كل حاجه وكل تفصيلة ولقيت إن المكان بتاعي في الشركة بيفرض عليا إني أعمل فاميلي معماري وإنشائي وأحل مشاكل الناس بكل التفاصيل وطبعا اكتشفت إن الفاميلي بتوفر وقت كبير جداً في المشروع وإنها مهمة جداً لوعايز تعمل تمبلت للشركة وإن إضافة أي معلومات علي الفاميلي محتاج إنك تكون عارف وفاهم ازاي تعدل في الفاميلي لإن أساس البيم هو المعلومات وتنظيم المعلومات ولو حصل تعديل لازم تفكر في ازاي تعمل التعديل فـ أسرع وقت ممكن، زي لو عندك باب وعايز تعدل في شكله والباب ده مكرر في كل المشروع يبقي الحل هنا هيكون في تعديل الباب نفسه ، في الكورس ده بشرح تفاصيل مُهمة جداً وأساسيات هتفرق معاك في شغلك وهتفهمك برنامج الريفيت كويس أوي.